Torrebillelara

(martxoak 23)

Gaur 3. mailako ikasle eta irakasleak Torrebillela Jauregira joan gara "Hiru mosketariak" filmea ikustera, euskeraz. 10.15-etatik 11.30-etara iraun du eta atseginak bezain barregarriak izan dira duela mende biko garaietan gertatzen diren istorioak, ordenagailuz eginiko pertsonai eta paisaien bidez.

Patxi Gonzalez kantalari-kontalaria

(martxoak 5)

Partehartzaileak: 3. eta 4. mailak

Patxi Gonzalez aktore zornotzarrak euskal abesti herrikoi batzuk banandu dizkigu eta abesti hoien esanahia aztertu dugu, baita noizkoa izango den eta garaiko ohiturak zeintzuk izango ziren. Abesbatz bat bagina bezala zuzendu gaitu eta abestiak antzezten ere ikasi dugu errejistro ezberdinetan, hau da, haserre, pozik, edo adarra jotzen bageunde bezala. Entretenigarria izan da, eta giro itzela sortu du batez ere Athletiken hereserkia abestu dugunean. Rock eran dantzatzen amaitu dugu. AUPA ATHLETIK !!! EEUP !!!

Inauteriak

(otsailak 20)

Inauteri edo Aratusteetan Legardaldeko futbol-zelaian dantzatuz eta abestuz hasi genuen eguna eskola guztiko irakasle eta ikasleok, gurasoak argazki eta bideo kamarekin erreportari lanetan zebiltzan bitartean. Gero herritik zehar ibilaldi bat egitera joan ginen. Legardaldera itzultzean txokolate beroa bizkotxoekin jan genuen, eta goiza ondo amaitzeko txu-txu trenean bira bat eman genuen. Egun alaia eta koloretsua izan zen.

Hona hemen 3.mailakoek egun honetarako bereziki prestatu zituzten koplak, euren mozorroarekin lotuta:

Doinua: "Axuri beltza"

BAKEROA: Ander Hormaetxe

Ameriketatik hona gatoz
cow-boy edo bakeroak
pistolarekin izaten gara
batzutan nahiko eroak.

BAKEROA: Julen Matilla

Zaldiak lotzea hor aurrean
arriskutsua izango da
sheriffa hona heldu orduko
banoa hemendik kanpora.

BAKEROA: Aitor Gonzalez

Beitu hor neska polit bat dago
sartu gaitezen saloira
wiscky trago bat hartzera eta

neskekin dantza egitera

KABARETEKO NESKA:

Etorri nirekin dantzatzera
wisckyz busti eztarria
saloian aurkituko duzue
giro ikaragarria.

PIPI: Patricia Rodríguez

Ni Pipi Lamstrung bihurria naiz
ez naiz joaten eskolara
gaur etorri naiz Legardaldeko
karnabalak ospatzera.

BIKINGOA: Bryan Aretxederra

Itsasoz itxaso etorri naiz
ni nauzue bikingoa
beste inor ez da hemen izango
ni baino ausartagoa.

SORGIN 1 : Maitane Zamora

Akelarre batetik gatoz gu
ni naiz Maitane sorgina
edabe majikoak prestatzen
ni naiz sukaldari fina.

SORGIN 2:

Edabe on bat prestatu dugu
Aroa lagunarentzat
neska polita bihurtuko da
intsektu nazkagarri bat.

INURRIA : Aroa Augusto

Inurria naiz baina ez ordea
intsektu nazkagarria
langile finaren fama daukat
denentzat maitagarria.

ROKERO 1: Peio Zarandona

Guitarra hartuta etorri gara
Legardara bi rokero
musikarekin jarriko dugu
jai-giroa bero-bero

ROKERO 2: Leire Babío

Jai giroa berotuko dugu
guk kitarra jo ezkero
lehenengo notak entzun ta gero
jendea jartzen da ero.

FLAMENCA:

Andaluziatik Mungiara
dotore-dotore nator
nire grazia erakustera
nator alai eta jator.

DRAKULA: Ander Goikoetxea

Errumaniatik hona heldu
ta zelako iskanbila
banoa gotika hoiengana
odol goxoaren bila.

GOTIKA 1: Haizea Diego

Kontuz drakula hori jatorku
ha(g)inkada bat ematera
gurutzea erakutsi eta
goazen ihes egitera.

GOTIKA 2 : Ane Urkiola

Berakatz-xorta bat eskegiko
diogu burutik behera
ea eskolan aurkitzen dugun
joan gaitezen sukaldera.

HIPPYA : Eneko Barcina

Hemen nauzue hippy berri bat
maitasuna aldarrikatzen
flower-power da nire bandera
ta beti nabil ligatzen.

DAMA : Aitane García

Aintzinako dama dotore bat
hemen aurrean duzue
kaballerua aurkitzen nabil
gaur emateko musue.

GERLARIA: Beñat Valdizán

Gerratik ihes Mungiaraino
karnabalak ospatzera
bakezalea naiz eta gehiago
ez noa gerra egitera.

BADMAN: Marcos Dosantos

Beltzez jantzita Marcos nauzue
Legardaldeko badman-a
neskatila dotore guztiak
salbatzera datorrena.

Olentzeroren baserrira. Landetxe Goikoa, XVII.mendekoa

(otsailak 5)

Partehartzaileak: 3. mailako ikasleak.

Euskal Mitolojia landu genuen ipuin eta jokuen bidez.

Santa Ageda bezperako koplak abesten Mungiako kaleetan

(otsailak 4)

Santa Ageda bezperako egunean eskolan egin genuen gure ibilalditxoaren lehen geldiunea. Gero udaletxe aurrera jo genuen eta ondoren kalez kale ibili ginen koplaka eskolako ikasle eta irakasle guztiok. Eskolara itzultzerakoan txorizo-bokata bat izan genuen zain indarrak berreskuratzeko.

AGATE DEUNA

Aintzaldu daigun Agate Deuna

bihar da ba Deun Agate,

etxe honetan zorion hutsa

betiko eu(ki)ko al dabe.

Deun Agatena batzeko gatoz

Legardako ikasleak,

igaz lez hartu gagizuez ta

zabaldu zuen sakelak.

Zorion etxe hontako danoi

oles egitera gatoz,

aterik ate ohitura zaharra

aurten barritzeko asmoz.

Ez gagoz oso aberats diruz

ezta ere oinetakoz,

baina eztarriz sano gabiltz eta

ta kanta nahi dogu gogoz.

Santa Ageda bezpera dogu

Euskal Herriko eguna,

etxe guztiak kantuz pozteko

aukeratua doguna.

Orain bagoaz alde egitera

agur deutsugu gogotik;

Agate Deuna bitarte dala

osasun onagaz bizi... IEUP!!

Olaldera

(urtarrilak 30)

Ahozko adierazmena: 2008/2009 Ikasturtean arlo hauen bidez landu dugu proiektua
BERTSOLARITZA - KANTAGINTZA - ANTZERKIGINTZA - IRRATIGINTZA

Eskolan lantzeaz gain, irteera batzuk egin ditugu.

Hona hemen Olaldeko Eskolan eginiko emanaldiko argazkiak eta bertso batzuk 3, mailakoen bertso-antzerkikoak, "Txano Gorritxu".

Doinua: "Begiak barrez-barrez..."

1. KONTALARIA: Eneko Barcina

Handia gertatu zen
aspaldi batean
ea bertsotan kontatzen dugun
guztion artean, ai, ai, ai...
ea bertsotan kontatzen dugun
guztion artean.

2.KONTALARIA: Ane Agirretxu

Historia hasten da
baserri batean
han ari dira ama-alabak
hizketa betean, ai, ai, ai...
han ari dira ama-alabak
hizketa betean.

Guggenheim museora

(urtarrilak 8)
Partehartzaileak: 3.maila

EKINTZAK: Kuadro mota ezberdinak ikusi genituen, eta gidari batek azaldu egin zizkigun; paisaiak, erretratuak, etab.
Gero guk geuk tailer baten paisaia bat margoztu genuen kuadro baten, eta eskolara ekarri genuen.

Gabonetako jaialdia

(abenduak 18)
Polikiroldegian elkartu ginen eskolako ikasle eta irakasleok, eta talde bakoitzak abesti edota dantzaren bat eskeini zuen gurasoen aurrean.