Aratuste, aratuste...

Aratuste edo Inauteri eguna eskolako aterpean dantzatuz eta abestuz hasi dogu. Bertan batu gara guztiok eta irakasleak ia-ia bildurgarri agertu jakuz lapurrez mozorrotuta, baina lapur atseginak jakina!

Buruhandiak be hortik ibili dira gure artean zanko-manko.
Ondoren desfilea egin dogu, bakoitzak bere mozorroa erakutsiz, eta txikienak, 2 urtekoak, txu-txu trenean herritik zehar biratxu bat egiten joan dira.

Egun hotza egin dau eta hamaiketako beroa prestatu dauskue: txokolatea eta bizkotxoak.
Gero kareta batzuk egin ditugu eta bazkalordurarte jolastu eta jolastu ibili gara. Zelako egun koloretsu eta alaia!

ARATUSTE

Aratuste, Aratuste,

Mungiarrentzat egun hobarik ez

Marrau atorra zuri jakagaz

buruan pañuelo sedazko ederrakaz,

Aratuste, Aratuste

Tostada egunak ederrak honeixek,

harek jan eta, neskak hartunta

plazara dantzan iluntzerarte.

Baita atso zaharrakaz

goiko kalian ziri ta zara

arrasta ezinik geure elorrijua

Harek ziran ARATUSTIAK

Aratuste, Aratuste...

SANBA

Kanta ta kanta ta kanta

Mungiako gau argietan

Dantza ta dantza ta dantza

Mungiako inauterietan

SANBA SANBA SANBA OLELE

KON LA KABEZA KEBRADA

SANBA SANBA SANBA OLELE

KON LA KABEZA KEBRADA

Tomasa gurea muturrez aurrera

Tomasa gurea muturrez aurrera.

LEGARDA BIZIRIK

LEGARDA LEGARDA

LEGARDA bizirik

Gu gara etorkizuna

Mungiako geroa

pozik datorrena.

Mungia euskalduna

Mungia laguna

denona ta denontzat

guk nahi dogun herria

egingo doguna.

MUNGIAKO TRENA

Hemen noa gozo gozo ni trenean

Mungiarantza egun ona pasatzen

entzun dot Legardararte heldu ezkero

lagun onak seguru ez direla faltatzen

AI! TRENAREN TXUKU TXA

AI! TXUKU TXUKU TXA

ZEIN ONDO NABILEN NI

MUNGIAKO TRENEAN (bis)

Legardara iritsi naiz ta ikusi dot

matrikulatzeko epea dagoela

eskola herritarra eta plurala

lagun onez betea eta gainera euskalduna

AI! TRENAREN TXUKU TXA

AI! TXUKU TXUKU TXA

ZEIN ONDO NABIL NI

MUNGIAKO TRENEAN (bis)

SALTO SALTOKA

Salto saltoka, dantza dantzaka

Legardako umeak hemen goaz

Salto saltoka, dantza dantzaka

Mungiako herria alaitzera.

Inauterietan aa, aa

Legardakoak aa, aa

errege, printzesa, katuak, lamiak.

Inauterietan aa, aa

mozorroekaz aa, aa

pailazo, loreak, saguak, magoak.

Inauterietan aa, aa

Legardakoak aa, aa

Zirkoa bezala desfilean goaz

Salto saltoka, dantza dantzaka...

Agate Deuna bezperan

Agate Deunaren bezperan, zezeilaren 4an, Mungiatik koplak abesten urten gendun Legardaldeko ikasle eta irakasleok.

Udaletxe aurrean be abestu gendun, eta Izaskun Uriagereka, alkatesa anderea, aurrean izan gendun ekitaldi osoan koplak entzuten irribarre goxo batez.

Ostean Matxin plazan txokolatada itzela eskaini euskuen eta poz-pozik itzuli ginen eskolara. Legardalden hamaiketako ederra itxaroten izen gendun: txorizo otartekoa eta fruituen zumoa Ummm !!! Ze ondo ibili ginen atzo, goiz ederra igaro gendun, bai horixe !!!

Hona hemen abestu genduzan koplak:

Aintzaldu daigun Agate Deuna
bihar da ba Deun Agate,
etxe honetan zorion hutsa
betiko eu(ki)ko al dabe.

Deun Agatena batzeko gatoz
Legardako ikasleak,
igaz lez hartu gagizue ta
zabaldu zuen sakelak.

Zorion etxe hontako danoi
oles egitera gatoz,
aterik ate ohitura zaharra
aurten barritzeko asmoz.

Ez gagoz oso aberats diruz
ezta ere oinetakoz,
baina eztarriz sano gabiltza
ta kanta nahi dogu gogoz.

Santa Ageda bezpera dogu
Euskal Herriko eguna,
etxe guztiak kantuz pozteko
aukeratua doguna.

Orain bagoaz alde egitera

agur deutsugu gogotik;

Agate Deuna bitarte dala
osasun onagaz bizi … IEUP!!!